De Post kund jez uf Schwitzerdütsch und nu für üsi Community… persönlich, ehrlich und frei vum Herza 🤍
Aigentli eignet sich d‘Adventsziit grandios zum eu no z‘aint oder andera Verkaufa, Werbig z‘macha, Support z‘pusha und das alles verpackt in dera liachtvolla Adventsziit - das han i definitv gnutzt dia letsta Johr. Gnutzt für üs als Abüter, aber au für eu, zum eu öpis zruck geh könna…
Das Johr lohn i es eifach loh si mit dera Vermarktig vu dem Wiahnachtsgschäft🙃 nid, well i eu nid öpis zruck geh möchti, sondern well i aifach müad bin… Müad vu dem Johr wo miar vu dis Training varussa nomol 200% uspackt hend zum döt hera ko, wo miar jez mit eu sind: as professionells, krankakassaanerkannts Groupworkout mit festa Prinzipia, mit Qualität und ama Bestreba noch meh für eu! 💥 a grossa Dank goht an mini füf Trainerinna 🐰🐭🐱🐯🦊 und an alli klina und grossa Helfer im Hintergrund! 🙏🏾
I bin aber au müad vu Wiahnachta🎄 dia letsta Johr isch dia ganz Adventsziit a riisa struggel gsi für mi - i han in dera Ziit wenig vu Liacht, Liabi, Familia und Zemaghörigkeit ka. Zum das irgendwia kompensiara, z‘verstecka und nid s‘zeiga, dass ganz vil in miar bröckelet, ha i es noch usa um so meh glebt und das Wiahnachtsbusiness vermarktet und gnutzt.
Sit 6 Johr bin i das Mol z‘erst mol friedvoll und mit vollem Herz ind Adventsziit gstartet und zum das döffa echt gspüra, lohn i es das Johr ruhig und still um mi loh uma werda… 💫
Au ohni Aktion und ohni vorgäbni Support-Post‘s möcht i eu im Nama vu dis Training varussa DANKA säga, dass iar a Teil vu üs sind! 🤍
Gera laden miar di am Mäntig, 23.12.24 nochem 18:30 Uhr HIIT zuma klina Wiahnachtapero ii, zum mit eu uf d‘Festtäg az‘stossa!🎄 Drum findet döta kai 19:30 Uhr Low Impact HIIT statt.
Und am Zistig, 31.12.24 9:00 Uhr laden miar di zum letsta Training vu dem Johr ih 🎆 Du buachsch normal dis Workout und kriagsch den nochem Workout dia Lektion zruck verbuacht.
Möchtisch du üs glich au supporta, den döffsch du üsi Post uf Insta in diner Story teila, diner Familia, dina Liabsta oder au diner lästiga Schwögerin oder nerviga Onkel „dis Training varussa“ witerempfela und üses Agebot in das grossa, wiita Schwyz träga🤗💥
Hesch du a struggle mit Wiahnachta, den weisch jez, i han de au ka und irgendwenn kund z‘Liacht zruck! Du bisch niia allai 🕯️
i wünscha eu im Nama vu „dis Training varussa“
a ruhigi, besinnlichi und liachtvolli Adventsziit und freua mi eu immer wieder bi üs z‘gseh💫
vu Herza 🤍 euri Raffa 🐥
Comments